Скриен на тврдината
кај Антички во Варош
во чаршијата под каменот
чинарот ме скри.
Се криев во школката
в езеро меѓу далгите
на пазарот во зембиљот сламен
в кајче да не се гледа
на борот во дворот
кај пристаништето во бродот
позади ловот на рибарот
на Канео пред манастирот
под камењата во Потпеш
во куќата на Робевци
ете на Галичица
под платното на Билјана
водите чисти изворски
под крилото на лебедот
скриен кај Маларична
пред светиот спомен
на градот вечен
зајдисонцето ме криеше вешто,
но ти не ме најде.
No comments:
Post a Comment