Знај
не ги давам моите лутања, пијанчења
не, тие мои се.
Не се каам за сите погрешни
зборови изустени, пцовки, гадотии
излезени од устата гневно
удирајќи по сите вас!
Ако, така е, така останало да биде.
Црнилото ми годи многу
како стара гозба сирова, римјанска
до болка неиздржлива, нескротена.
Каменот прозборе со неверување,
последниот говор на господарот,
слепите нечестиви поданици
заспиваат во смрдливите катакомби.
No comments:
Post a Comment