Сликаш ликови налик на мене
на црн канвас, со боја црна
сликаш, ме демнеш
изгубено се чувствувам
силата моја е кај тебе.
Криејќи се во шупливото стебло
посегнуваш по звуците од ѕвоното
ноќта ја параат крици од бранови
душите на морнарите.
Сликај ги нотите на зајдисонцето
синилото на небесната шир
последните рибари заплеткани
во мрежите на животот
засекогаш оставајќи навики за сите
побарај ги ликовите во облаците.
No comments:
Post a Comment